Maila sa imo tiil kon unsa ka (2)

Ang tawo nga adunay gagmayon nga kuyamoy sa isigkakilid sa tiil (kumagko ug kumingking) nga gawas gusto molihok sa iyang gusto o sa gawasnon nga pamaagi, nga dili na mandaran pa, dili sab sila sayon kombinsihon.

Ingon sa dili mosabot o gahi’g ulo.

Mao’y gusto nga mag-agad sa unsay mahitabo mao na kana.

Nga malisud patuhuon kay ang prinsipyo, kay nakasandig sa kon unsa’y makita mao na’y tuhoan.

* Narrow base on the 2nd toe – mao kini mga tawo nga puno sa emosyon, kon ang ika-2 nga kuyamoy sa tiil, daut o luag ang base o punoan ini nga lapad ang ibabaw. Aduna kini kinaiya nga motan-aw sa mga butang nga palapdan ang reyalidad ug nagbaton og mas lig-ong pagbati.

Kanunay positibo ug malaumon.

Hinuon, gusto sab sila mag-inusara kon madismaya o wala sa maayo’ng kondisyon.

*The Greek foot – niini nga kasoha, diin ang ika-2 nga kuyamoy mas dako kaysa kumagko.

Ang ingon ini nga tiil, mga tawo kini nga prangkador o way lipudlipod manulti.

Mahiligon sa duwa (sports) ug adunay hiyas o talento nga mamugnaon (creative) o mga inisyatibo sa pagmugna og mga butang nga kapuslan (innovators).

Ang sama nila og tiil, maayo mokombinsir sa isi’g kaingon, mga mahinamon kanunay sa resulta (enthusiast & result oriented) ug kinaiya nga positibo sa mga panglantaw (optimistic).

*Large toe pads – mga dagkuon nga lagpad og mga kuyamoy, maingon nato nga kini sila bulahan nga natugahan og gasa gikan sa Kahitas-an.

Kay  nagbaton og bulawano’ng kinaiya nga makiangayon ug mabinantayon.

Nga abli ang kasingkasing nga mahinangpon sa pagsagop nga masinabuton sa isi’g katawo.