Indikasyon sa kolor sa atuli (2)

Aron sa pagsanta niini, sulayan ang pagmenus sa stress, pinaagi sa pagbaton og aktibidades sama sa yoga, pamalandong, teknik sa pagginhawa ug uban pa nga ehersisyo nga pawagtang sa stress.

* Black (itomon) – kon ang dalunggan kanunay mangatol ug mogawas ang itomon nga kolor sa atuli, nagpasabot kini nga duna kay giantus nga ‘fungal’ nga impeksyons, sama sa ap-ap, tuwayon, kaspa, pangagod, agup-op sa kuko ug ubanpa.

Kinahanglan mobisita sa doktor, aron kahatagan kini og dali nga aksyon.

* White (pution) -  kon ang kolor sa atuli mora’g may pagkapution, nagpasabot kini nga kulang ka sa lebel sa ‘iron’ ug sa ‘copper’.

Aron pagsulbad ini, mokonsumo og daghang oatmeal nga ‘quick cooked o steel cut’, dili nang  mga ‘instant oats’ o ‘flavored oats’.

Ug pwede sab ubanan sa pagtumar og mga ‘vitamin supplements’.       

Mga lainlain nga tipo (type) sa atuli (earwax)

* Mogawas nga lain og baho – kon ingon ini nga may pagkaisog ug lain kaayo ang baho sa atuli, kalagmitan aduna kini impeksyon sa ilawom sa dalunggan.

Kon nakasinati og kaalingisig, dahunog morag nagsiyok nga nagtingog sa dalunggan (humming/popping) sa matag karon ug unya, ayaw dugaya nga kinahanglan mobisita sa doktor.

* Mogawas nga likido o espiso pa -  kon ang atuli mogawas nga naglabi nga likido o espiso pa, nga di pa tanto nga nauga, nagpasabot usab kini dunay  implamasyon sa atong lawas.  Mas maayo magpakonsulta sa doktor.

* Nag-uga nga gahi na – nagpasabot sab kini nga kulang ta sa pagkonsumo og unod sa karne (lean meat), nga matud pa moresulta kini sa sakit-sakit sa panit.