Makapaalibyo ang pagpisil sa palad

Karon hisgotan nato kon unsay mga kaayohan nga atong makuha pinaagi sa pagpisil sa palad. Gawas sa pagtuo-tuo nga anha sa palad mabasa ang imong kaugmaon, ang palad dako og matabang pinaagi sa pagpisil.

Ang atong palad sa kamot anaa mag-abot ang mga puntos (points) sa tanang parte sa mga ‘organ’ sa atong lawas, ug sa pagtandog sa koneksyon sa organ nga adunay gipamati, alibyohon niini ang panakit. Usa kini ka abilidad sa pag-ayo pinaagi lang mismo sa kaugalingong palad.

Kon maeksperto ka na niini, nga nagkinahanglan lang sa pagpisil nga matag ‘points’ og 3-5 ka segundos, samtang ang pasyente moginhawag lawom, ug inanay sab kining ibuga. Inighuman, dihadiha nga masulbad ang mga problema sa lawas. Busa, ania ang dugang detalye kon asa o unsa gyu’y buhaton niini;

* Kumagko (thumb) – anaa sa kumagko ang koneksyon sa pagkontrol o paganahon ang apdohan (spleen), ug sa estomago (stomach). Apil na niini ang depression ug kabalaka (anxiety). Busa kon na-stress, o nagsakit ang tiyan, ang ulo o problema sa panit, pisilon ang tamlaan sa kumagko, aron pagbalanse sa mga gipamati.

* Panudlo (indexfinger) - kon dunay problema sa pantog (gallbladder) ug sa kidney, mao ni ang pisilon aron alibyohon ang mga problema niini. Mokontrol sab ni sa kasuko, kahadlok ug kalibog. Mopawagtang sab ni sakit sa ngipon, panakit sa kaunoran, sa likod ug sa kabuhi.

* Tungatunga nga tudlo (middle finger) – nagkontrol kini sa apdohan (spleen) o sa pantog (bladder) ug sa atay (liver). (Sumpayan)