Ang ‘insulin plant’

Bisan og nasayod na kita nga daghang herbal plants nga magamit aron makatabang sa lawas nga makaprodyus og natural nga insulin, apan sa mga sayantista, usa ra gayud ang nakaangkon sa korona isip titulo sa usa ka tanom nga ginganlan og ‘insulin plant’.

Karon, nakaila ka na ba niining maong tanom nga nabaniog nga adunay ‘magic cure’, ug giingong magamit sa adunay sakit nga diabetes?

Ania ang pipila sa inpormasyon niini: Plant name; Insulin Plant, Botannical name; Costus Igneus.

Bisan og kini nagsugod pagtubo sa Amerika, apan kini nga ‘insulin plant’, nahimo usab nga popular ug nahimong kabahin sa epektibong panambal nga tradisyonal didto sa India. May nag-ingon nga kon mokaon og usa ka dahon niini kada adlaw, ang diabetes mokagiw”.

Sayon ra ni patuboon, mahimo ra bisa’g itanom nga mesitas sa balay.

Kon wa ka pa makaila niini, mahimo nga mo-order ka sa online pagseguro nga kini mao gyud ang tanom nga ‘insulin plant’.

Pwede sab magpakisusi sa local nga ‘plant nurseries’ o i-google aron makita mo ang dagway sa ‘insulin plant’.

Ang diabetes, sakit kini sa metabolismo nga ang lawas wa’y kapasidad nga makaprodyus og insulin, o dili dawaton sa selyula sa dugo aron mahimong enerhiya, mao nga direkta ra nga magpundo sa dugo ang tam-is.

Ang dahon niini, potensyal nga nagbaton og ‘corosalic acid’ nga kemikal sa tanom.

Makontrol ang problema sa diabetic, ug mopamenos sa oras sa ‘fasting’ ug sa human sa tingkaon, sa laktud i-normal niini ang lebel sa bloodsugar.

Pahimangno lang, dili kini angay sa mga mabdos ug sa nagpasuso, bisan sa mga masuso, o gagmay’ng bata.