Gustong himoong legal ang pagsagop

Dear Atty. Divine,

Duna ko’y pag-umangkon nga gisagop sa akong iyaan, apan wa moagi sa korte. Gibutang lang sa Birth Certificate sa bata nga ang akong iyaan ug ang iyang bana maoy mga ginikanan niini. Apan dunay nakasulti namo nga usa ka kalapasan sa balaod ang ilang gibuhat ug gusto karon sa akong iyaan nga ipaagi sa legal ang pagsagop sa akong pag-umangkon. Unsay angayan nila nga buhaton? Daghang salamat. — Lorena

Dear Lorena,

Simulation of birth ang gihimo sa imong iyaan, kun pagtamper sa birth certificate sa bata sa Civil Registrar nga diin ilang gipalabas nga sila maoy mga biological parents sa bata. Usa kini ka kalapasan sa balaod. Tungod niini mahimo unya nga kuwestyonon sa mga heirs sa imong iyaan ug sa iyang bana ang katungod unya sa maong bata sa pag-inherit sa katigayonan kay wa man moagi sa court ang iyang pagsagop.

Ang remedy niini mao ang pagpasaka og petition sa korte base sa Rule 108 of the 1997 Revised  Rules of Court alang sa correction or cancellation of entries sa birth certificate sa bata.

Korehian nila ang sayop nga entry sa name sa parents sa birth certificate sa bata ug human niini, ilang ipasaka ang Petition for Adoption sa bata aron hingpit nga moagi sa husto nga proseso ang pagkasagop niini ug wa na unya’y mokuwestyon sa iyang katungod isip legitimate nga anak sa nagsagop kaniya. Thanks ang God bless.- Atty. Divine

 Alang sa inyong pangutana, ipadala lang sa Legal Corner sa Banat News sa V. Gullas St. Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.