Ang pagpataas sa barug (2)

Kasumpay sa miagi’ng lindog, ato’ng ipadayon kadtong bahin sa regular nga ehersisyo’ng ‘Cobra Style’-ihapla ang tibuok lawas nga nakadapat sa sawog. Unya inanaya pagtuyhad ang bukton nga mosaka ang lawas hangtud maporma’ng arko ang likod o ang ‘spinal column’. Balikbalika ni matag 5-10 secs.

(d)Hanging exercise  – pinaagi sa ‘crossbar’ nga igo’ng kakapyotan sa 2 ka kamot nga  nagbitay ang tibuok lawas. Samtang nakabitay, isaka ang tuhod nga mora’g nagluko unya ibalik pagtuyhad, dayon ipiko ang tuhod nga mora ka’g nagluhod nga nagbitay. Kalkuloha ang pagbalikbalik niini kutob nga kapoyon ka.

(e)Push-updown exercise – pinaagi nga ituyhad paghapla ang tibuok lawas nga  nakatukod ang 2 ka tiil ug ang 2 ka palad. Isaka nga itul-id ang lawas nga ituyhad-ipiko  ang mga bukton, dayon ipaubos-isaka  nga balikbalikon (up & down) nga igo kang kapoyon hangtud maanad ka niini.

Ang uban dali ra motapol kay kuno kapoy kaayo, unsaon lakturon ma’ng dili inanayon mao’ng grabe gyud ang kakutas. Mao gyud na basta dili pa maanad sa mga pag-ehersisyo. Ay’g katagam  kay makatabang ni’s pagpataas sa barug mo.

Aron sab pagseguro nga moepekto ni nimo, matngonan ang mga mosunod;

(1) Likayan ang sige’g inom sa kape – kay makabalda ni sa imong pagtulog. Mopamata kini kanunay sa isip mo sud sa 8 oras nga matugaw ang pahuway mo. Makapahinay kini sa sistima sa imong maayo’ng pagtubo.

(2) Di manabako o manigarilyo – mas musamot makadaut kun ikaw permi nakaekspos sa aso nga mahanggap mo’s mga katupad nga hinigarilyo.

(3) Ang paggamit sa ‘steroids’- gawas makadaut ni, makapamenus sab sa ‘spermcells’, makapagamay sa suso, makapasawot sa bukog. Ang ‘steroid users’ sagad mga mugbuon itandi sa mga wala mogamit niini.