EDITORYAL - Hinimbang Katoliko 37 % na lang?

Daghang  mikisikisi  nga  mga  Katoliko  paggawas ning maong  balita  nga gipatik  sa usa  ka  nasudnong  pamantalaan  kay sa  gidaghanon  nga 2.1 bilyon ka  membro niini  sa tibuok  kalibotan  nasayran  sa tanan  nga 90 porsiyento  niini  ang  lig-on, lunod patay, ug  hinimbahon  nga  Katoliko.

Maoy  hinungdan  nga  daghan  ang wa motuo  sa survey  sa SWS  kay  dinhi  sa nasud  sa 95 milyones  nga  populasyon, 85 milyones  niini  puro Katoliko.

Sa miaging tuig  giingong  60 porsiyento  kuno  niini  ang  hinimba  apan  ning tuiga  nahimo na lang 37 porsiyento.

Kun adunay  nasud  kansang  membro  sa Katoliko  sinsero  kaayo  ug  labing  lig-on way  lain  kundi  ang  Pilipinas.

Usa  sa  mga  katarungan  sa mga  membro  mao  nga  tungod  kay  dinhi  mamatay  ang  ilang  mga  ginikanan,  natural anhi  usab  sila  magpakamatay.

Ang  relihiyong  Katoliko gidala sa  mga  pari  nga  Katsila  dinhi  sa nasud niadtong  panahon  sa  ilang  pagdominar  sa  Pilipinas  sa ika-16 ngadto sa ika-17 ka siglo (century).

Ang Katoliko  gitukod  sa  mga  Obispo  ug mga  pari  nga  Katoliko   niadtong  unang siglo  human  mosaka  si Kristo  ngadto  sa langit  ug  nangamatay na  ang  tanan  Niyang  mga  apostoles.

Mao nga way   nasuwat  sa  Biblia  nga Iglesia Katoliko Apostolika Romana    kay  nahuman  na man  og  suwat  ang  Biblia  sa maong  higayon

Ang  bugtong  nasuwat  nga  relihiyon  sa Biblia  mao  ang relihiyong  gitukod  ni  Kristo  sa buhi  pa  Siya  ug  gidumala  sa mga  Apostoles  niadtong  misaka  na  si Kristo  sa langit  tulo ka adlaw  human  Siya  ilansang  ug  namatay  sa krus.

Mao  bitaw  nga  si Apostol Pablo mipasidaan  ngadto  sa  mga membro sa relihiyon  nga gitukod  ni Kristo  nga  iyang  gidumalahan  sa  wa na si Kristo, nga nagkanayon  nga   inigkamatay  niya  mosud  ang   laing  mga magtutudlo  og  relihiyon  nga magtudlo  og  laing  Kristo nga  maoy mopasalaag  sa  mga membro  sa relihiyong  gitukod  ni Kristo.

Ug  niadtong  tuig 325  sumala sa mga  libro  nga sinuwat  sa  mga  pari nga Katoliko, naaprobahan  sa konseho  sa  mga  Obispo  ug  mga  pari  sa Constantinople   nga si  Kristo   Dios ug  ang  maong  pagtuo  nagpadayon  karon.

Apan  wa  mahisuwat  sa Biblia ang  maong kausaban  kay  human  na  ang maong  basahon  sa maong higayon diin  nagtug-an  sa kamatuoran  nga  si  Kristo tawo ug di Dios.