Ang palami sa sex diha sa inyong pares, magdepende kana sa diskarte sa hamag kun giunsa ninyo pagpangandam ang duwa sa pagpakighilawas. Duna man goy uban, nga motukar gani ang uwag sa lalake o ang biga sa babaye, mokalit lag tukoy nga makigsparing sa pares nga wa kaandam sa kondisyon sa lawas sa pakig-sex. Ang mahitabo, human sa kombate, madismaya lang kay lagi wa matagbaw sa ilang ehersisyo nga kab-oton ang langit diha sa kama.
Tingali makatabang kining pipila ka mga sugyot: Magsinabtanay mo permi unsay gusto, paagi, pagana, orasa, nga aron di magdalidali ug ikalmang mapahimutang nga di matugaw sa kakapoy sa lawas o mga kabug-at sa hago nga gihunahuna.
Magsabot kun unsay mga posisyon nga komportable ninyo, di kay isigkamas lag kinsay makauna unya ang usa masagmuyo, nga usahay molubad na og di na ganahan makig-sex.
Likaye ang permi mag-oral sex o masturbate kay may negatibong epekto kana sa utok, nga makapawa na sa gana sa tinuoray nga pakig-sex.
Ayaw himoang sex ritual kundi ipaagi og sorpresa, aron dunay kulbahinam nga maabot gyud ninyo ang himaya.
Mas maayo mag-date mo sa mga eksklusibong dapit nga romantiko daw sama sa kinawatkawat nga romansa sa pakig-sex.
Ayaw gyud atha kun wala sa kondition ang pares mo. Abtik sa paniid ug hatagi’g unsay makapagana niya sa sex. Ayaw lang sab palabii kay peligro mahimong maniac o sex adik nga mopahugo sa atong maayong panglawas. Likaye ang synthetic sex energizer.