Ang managsuong Basilio ug Crispin ang nakahukom nga magduwa-duwa pinaagi sa pagsunod sa ilang nasaksihan sa nilabay’ng gabii. Mao nga nagsinumbagay sila taman sa ginhawa, butang nga nakahatag og dakong pagtagad sa ilang inahan nga si Nang Crising. Iyang gibadlong ang iyang mga anak. “Nganong nag-away man mo ha?!” Si Crispin nangatarungan: “Wala man mi mag-away nay! Nagduwa-duwa ra man mi kay amo ra man gisunod ang among nakit-an gabii!” Si Nang Crising mitubag: “Kun mao kana, ayaw namo og tan-aw og TV aron dili mo makakat-on og kabagis!” tubag sa inahan. Si Basilio mitubag: “Dili man ang anaa sa TV ang among gisunod nay, kondili ang away man ninyo ni Tatay kada gabii!”
Pamalandong
Ang mga binuhatan sa mga ginikanan nga kanunay’ng masaksihan sa mga anak, matisok gayud sa alimpatakan sa ilang mga anak.