Gihugtan ug gihigpitan sa NBI ang seguridad sa dapit diin gitanggong si Andal Ampatuan Jr., ang principal suspect sa Maguindanao massacre diin 57 ka mga tawo ang gipamatay.
Kini tungod kay dunay huhungihong nga bombahan ang gihisgutang dapit aron luwason si Ampatuan.
Kun buhaton kini sa mga kaalyado sa massacre suspect, unya ilang maluwas...unsa man?
Asa man punta si Ampatuan? Unsa may kaayuhan nga iyang maangkon kun maluwas siya sa iyang mga sagabay?
Sakit sa lawas ang iyang padulngan. Kay di siya gukdon ug pangitaon sa NBI ug mga polis? Ug kun siya makit-an ug madakpan, tratahon kaha siya nga mora’g “baby” sa balaud?
Sa Iningles pa, “it’s going to be a no-win case” para ni Ampatuan kun tinuod man gani nga dunay planong luwason siya sa iyang mga barkada.