Ang Department of Education milusad sa Brigada Eskuwela nga salmotan sa tanang pangpublikong eskuwelahan gikan Mayo 18 hangtud 22 ning tuiga.
Kining maong kalihukan gitawag usab nga National School Maintenance Week. Sud sa maong semanaha ang mga tulonghaan andamon alang sa pagbukas sa klase nga gitakda unyang Hunyo 1.
Sa ato pa nga atol sa pagpahigayon sa Brigada Eskuwela preparahon ang mga eskuwelahan aron sa pag-abli sa klase andam na ang tanan ug malikayan ang mga problema nga makasagabal sa iskedyul nga gisunod alang sa pagsugod sa bag-ong klase.
Hinaut unta nga masunod ang mga lagda niining kalihukana diin ang bugtong tumong mao ang pagkab-ot og mahusay nga school opening.