Ang Association of Southeast Asian Nations (ASEAN) state heards’ summit didto sa Pattaya, Thailand, nabulabog. Wala mahinayon tungod sa maisugong lihok protesta sa mga militanteng Thai.
Wala masanta sa Thai police ang pagdasdas sa mga miprotesta ngadto’s binyu sa summit meeting.
Dili man sa ingon nga gimenosan kita sa kapolisan sa Thailand apan dinhi sa Pilipinas wala pay dakong kalibutanong tigum nga nakanselar gumikan sa pagpangisog sa mga nangapil sa lihok protesta.
Political will sa habig sa kapolisan ang gikinahanglan sa pagpugong sa mga demonstrador ug kini naangkon sa kapolisang Pinoy. Bahala nang mangabuak ang bagulbagol ug mangagisi ang agtang, basta lang masanta ang pagdasdas sa kaatbang.