^

PSN Opinyon

Positibong pagka-ginikanan

HINUKTOKI - Pepita Jane Petralba, Nixon Kua -

Unsa man ang Positive Parenting, nga giduso man kini sa mga nasud nga sakop sa United Nations aron maibanan ang kriminalidad, ka-gutom ug ka-pobre sa pipila ka nasud sa kalibutan? Giingong ang mosunod nga henerasyon mag-agad dili sa mga anak nga mamahimong mga hingkod unya, kundili sa ilang mga ginikanan nga nag-umol kanila karon aron mamahimong responsible pag-abot sa ilang panahon. Komplikado ug dili sayon ang mamahimong ginikanan. Dili igo ang pagpakaon, pagpa-eskuyla ug paghatag og panimalay nga kapuy-an sa anak. Apan subo nga palandongon, ang ubang mga ginikanan mao ra gyud kini ang ilang ikapanghambog isip ginikanan, ug gani ubay-ubay ang wala makahimo ni usa niini.

Gani, kadaghanan kanila, ma-pobre o ma-dato, ma-ignorante o ma-edukado, naghimo man sa mga buhat nga supak sa Positive Parenting, sama ning mosunod:

Primero, dili positive parenting ang paghimo sa usa ka asawa nga baby machine o paktorya sa bata. Ang pagka-ginikanan dili lamang kutob sa paghimo og bata. Ang lalaking ingon niini mitratar sa iyang asawa nga sex object , ug posible nga mao usab iyang tan-aw sa iyang anak babaye.

Dili positive parenting ang paghadlok ug pagmanipular sa pangisip sa anak aron mosunod sa gusto sa ginikanan. Ang matag anak adunay kaugalingon niyang ambisyon ug pagbugtaw sa kalipay. Gikinahanglan sa anak ang giya, tambag suporta ug inspirasyon gikan sa ginikanan, dili nga himoon silang robot ug kuhaan sa katungod nga mopinsar sa ilang kaugmaon. Daghan ang Pilipinong ginikanan ang kusog magpakonsensya sa ilang mga anak kun dili tumanon ang ilang pagbuot. Kini ang hinungdan nga adunay mga anak nga immature, ug kun kining mga anaka mamahimo nang ginikanan, sila usab kulang sa pagka responsable ug dili makamaong mohimog importanteng desisyon. Usahay, kahangol ug paniguro sa kaugalingon ang rason sa maong pagmanipular, aron kun ang anak makamao nang mangita og kwarta, gusto nila mo-ambit sa kinitaan sa ilang anak ug magpabuhi niini. Baligtad kining dako sa Positive Parenting.

Adunay usa ka tahor nga tawo kinsa nabalita niining miaging mga adlaw tungod sa iyang mga buhat isip ginikanan niining usa ka anak nga nahilambigit sa mga kriminalidad sa syudad nga gialagaran sa maong amahan. Kining iyang mga gihimo dili usab maingon nga positive parenting.

Dili positive parenting ang pagpa-atras sa mga biktima nga gusto untang mokiha sa sad-an nga anak. Labi na kun sa maong pagpa-atras, nagsalig ang amahan sa iyang posisyon, relihiyon, gahom ug salapi.

Dili positive parenting ang pagdupa sa usa ka anak nga naghatag og hilabihan nang kahingawa, kaguol ug kasamok ngadto sa usa ka komunidad. Ilabi na kun sa maong komunidad ang amahan mao ang giila nga lider.

Dili positive parenting ang pagpa-trabaho sa anak sa opisinang gialagaran sa maong amahan, tungod lang kay siya ang hawod didto, sa wala gani pagsusi kun tinuod bang nagtamod ang maong anak sa iyang trabaho ug wala ba kini mag-abusar.

Dili positive parenting ang pagtugot nga ang usa ka anak maghupot ug mogamit sa armas mobuto kun sayud ang amahan nga ang maong anak nahilambigit nag mga kriminalidad ginamit ang armas mobuto.

Kining mga klaseng ginikanan, sila nakasala sa komunidad sa pagpaluyo sa kalihokan sa anak, ug nakasala usab sila sa ilang anak tungod kay wala nila kini mahatagi og maayong giya isip usa ka positibong ginikanan.

Alang sa inyong mga panahom, palihug e-mail sa [email protected] Daghang salamat.

ANAK

DILI

GINIKANAN

ILANG

PARENTING

POSITIVE

POSITIVE PARENTING

USA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with