Mga 62 porsiyento sa mga krimen dinhi sa dakbayan sa Sugbu sud sa unom ka buwan (Enero hangtud Hulyo) ning tuiga nalambigitan sa mga menor de edad.
Kini suma sa Cebu City Police Office kang kansang direktor nga si Sr. Supt. Patrocinio Comendador miangkon nga ang kapolisan naglisud sa pagsulbad sa mga kaso diin nalambigit ang mga menor de edad tungod sa balaod nga mihatag og hingpit nga proteksyon ngadto sa mga minors nga gidudahang nakahimog salaod.
Tungod niining maong balaod ang mga menor de edad nga nakasa sa katilingban dili kapahamtangan og silot.
Busa nakahukom si CCPO Direktor Comendador sa paghimog position paper kalabot niining maong isyu ug kini iyang gihatag ngadto ni Sen. Francis Pangilinan kinsa maoy amahan sa gihisgutang balaod.
Hinaut unta nga ang mga sugyot nga gipresentar ni Comendador sa iyang position paper hatagan ni Senador Pangilinan og seryosong atensyon.