Heart ug John, magpares sa pelikula

CEBU, Philippines —  Human  sa kapin duha ka dekada, subling  mag-uban  sa usa  ka acting project  ang kanhi sikat nga love team nga sila Heart Evangelista ug John Prats alang sa umaabot nila nga pelikula.

Gikatakdang ipasalida karong   Pebrero 2027 ang maong pelikula, diin si John mismo ang modumala isip direktor .

Ang pelikula kay paluyohan  ni Jeffrey Vadillo sa Cornerstone Studios, uban ni Irene Villamor isip creative producer ug Angel Tomas isip writer. Sila Heart ug John, nga gitawag sa ilang fans nga “JoHeart,” nahimong usa sa mga paboritong love team sa Philippine showbiz niadtong 2000s.

Labing nailhan sila sa ilang mga papel isip Missy ug Yuan sa youth-oriented television series nga “G-mik,m”.

Niadtong Mayo, nagkauban usab sila sa  usa ka episode sa reality series ni Heart nga “Heart World,” diin ilang gibalikan ang ilang unang mga adlaw sa showbiz ug ilang relasyon kaniadto.

Nagkauban usab sila sa music video sa hit single ni TJ Monterde nga “Teka Lang,” nga gi-release  niadtong Hunyo.