Yate nasunog sa test run

MANILA, Philippines — Isang yate ang nasunog  habang nagsasagawa ng test run ang may-ari nito kasama ang isang prospective buyer sa tabi ng ilog sa Barangay Dampalit, Malabon City nitong Sabado ng umaga.

Sa pahayag ng caretaker na si Denio Yco, sakay siya ng yate kasama ang may-ari na si Agusto Reyes, na siyang nagmamaneho ng barko, at ang prospective buyer nang biglang sumiklab ang apoy malapit sa makina 9:00 ng umaga.

Kasalukuyan nilang minamani ang yate patungo sa isang kalapit na dike bago ito tuluyang natabunan ng makapal na itim na usok.

Nailigtas ang mga sakay ng mga kalapit na bangka na agad tumulong.

Rumesponde rin ang mga bumbero at naapula ang apoy, nguni’t tuluyang nasunog ang yate, at halos walang natira.

Sinabi ng mga awtoridad na kakagawa lang ang yate ng pagkukumpuni at malapit nang ibenta. Walang naiulat na nasugatan sa insidente.