6 sangkot sa carnapping, anti-fencing, arestado ng QCPD
MANILA, Philippines — Bumagsak sa kamay ng Quezon City Police Distric (QCPD) ang anim na indibiduwal na sinasabing sangkot sa pagnanakaw ng motorsiklo at pagbebenta ng mga nakaw sa isinagawang follow up operations ng Batasan Police Station (PS 6) at Eastwood Police Station (PS 12).
Batay sa report na tinanggap ni QCPD Acting District Director, PCol. Randy Glenn Silvio, kinilala ang mga suspek na sina alyas “John”, 23 ng Brgy. Commonwealth, Quezon City; alyas “Ryan”, 45, ng Brgy. Manggahan, Montalban, Rizal; alyas “Gensan”, 22, Brgy. Batasan Hills, Quezon City; alyas “Edwin”, 34 at alyas “Jay Ar”, 27, kapwa residente ng San Jose, Antipolo at alyas “Arjay”, 29, ng Brgy. Sta. Cruz, Antipolo City.
Ayon kay PS 6 operatives sa ilalim ni PLtCol. Romil Avenido, tinangay nila alyas “John”, alyas “Ryan” at alyas “Gensan” ang isang Yamaha Mio motorcycle na nakaparada sa harap ng bahay ng. biktima sa Margarita St., Brgy. Commonwealth, Quezon City bandang alas-6 ng umaga ng Agosto 11.
Unang nadakip sina alyas “John” at alyas “Ryan” sa Montalban, Rizal dakong alas-11:45 ng umaga hanggang sa itinuro ang kanilang pinagbentahan na si alyas “Gensan” sa bahay nito sa Freedom Park 5, Brgy. Batasan Hills, Quezon City.
Lumilitaw din sa Investigation Solution Automatic Verification (ISAV) system, na si alyas “John” at alyas “Ryan” ay sangkot din sa iba’t ibang kaso. Nakuha sa mga ito ang tatlong motorsiklo.
Sa Police Station 12 sa pamumuno ni. PLtCol. Von DV Alejandro, nasakote sina alyas “Edwin”, alyas “Jay Ar” at alyas “Arjay” sa follow up operations sa Antipolo, Rizal.
Tinangay ng tatlo ang motorsiklo ng nakaparada sa footbridge malaria sa Brgy. Hall ng Brgy. Libis. Nabawi sa mga ito ang Suzuki Raider, Mio Sporty, at Mio Sporty motorcycle.
- Latest
