Ambulansya gamit ng BuCor personnel sa pagpupuslit ng kontrabando sa Bilibid
MANILA, Philippines — Arestado ang isang tauhan ng Bureau of Corrections (BuCor) na gumamit ng ambulansya para makalusot ang dalang kontrabando papasok ng New Bilibid Prison (NBP), iniulat kahapon.
Ito’y sa kabila ng pagsisikap ng BuCor na malinis at matanggal ang ilang tiwaling personnel.
Sa ulat kay BuCor Director General Gregorio Pio P. Catapang Jr., ibinunyag ni J/SINSP Angelina L. Bautista (Ret.) OIC-Deputy Director General for Operations at ODG-Head Executive Assistant na bandang alas-2:47 ng hapon noong Sabado nang madiskubre ang BuCor ambulance na may plate SAB 4894 na minamaneho ni CO1 Marvin Ceballos ay may kargang mga pinatuyong dahon ng tabako.
Sakay din ang isang deprive of liberty PDL) patient para sa emergency referral nang dumating sa NBP.
Sinabi ni Bautista na bilang protocol, lahat ng mga tauhan at sasakyang papasok sa loob ng NBP ay isasailalim sa’check and search’ kaya’t natukoy ang kontrabando na nakatago sa loob ng compartment ng ambulansya.
Agad na iniulat ng mga naka-duty na guwardiya na sina K9Hs Leonard Torralba at Joe Joanne Pecha ang insidente at isinailalim sa imbestigasyon si Ceballos.
Ayon kay Catapang, kailangan talagang maging vigilant dahil hindi lang mga preso ang binabantayan sa BuCor kundi pati ang sariling mga tauhan.
“Yan ang dahilan kung bakit ang ating programa ay Reform BuCor, magkasabay naming nirereporma ang sarili naming officers and personnel habang may programa rin kami to reform PDLs,” ani Catapang.
- Latest
