Curfew sa menor-de-edad sa Metro Manila, muling ikinasa
Mula 10-pm hanggang 4-am
MANILA, Philippines — Muling magpapatupad ang Metro Manila Council (MMC) ng curfew sa mga menor-de-edad na nasa gulang 17-anyos pababa kasunod ng matinding pagtaas ng kaso ng COVID-19 sa rehiyon.
Ito ang inihayag ni MMC chairman at Parañaque City Mayor Edwin Olivarez na pinagkasunduan ng mga alkalde sa Metro Manila habang pinag-aaralan naman ang pagpapatupad ng curfew para naman sa mga nasa hustong gulang.
Magsisimula ang curfew ng alas-10 ng gabi hanggang alas-4 ng madaling araw.
Ikinatwiran naman ni Olivarez na sa desisyong panatilihin ang Alert Level 3, ibinase nila ito sa 55% healthcare utilization rate ng rehiyon. Sinabi niya na base sa pamantayan ng Department of Health at Inter-Agency Task Force (IATF), itataas ang Alert Level 4 kung nasa 70% pataas na ang healthcare utilization rate.
Kanila naman umanong susuriin muli ang mga datos matapos ang isang linggo para malaman kung may pagbabago na sa utilization rate at kung kailangang baguhin ang kanilang desisyon.
- Latest