Maynila magse-share ng bakuna kahit sa hindi Manilenyo
MANILA, Philippines — Inihayag ni Manila Mayor Isko Moreno na maaari nilang ibahagi ang kanilang COVID-19 vaccine maging sa hindi Manilenyo.
Sinabi pa ng alkalde na ang nararanAsang pandemya ay isang suliraning pandaigdig na nakaapekto sa lahat ng uri tao maging sa anomang relihiyon, tribo, profession at paniwalang political, maging mayaman o mahirap.
Kasabay nito, nanawagan siya sa mga mamamayan na magtiwala sa ginagawa ng pamahalaan laban sa COVID-19.
Partikular nitong binanGgit si COVID-19 czar Carlito Galvez na siyang naatasang mag-distribute ng bakuna sa lahat ng qualified na Pinoy.
Nilinaw din ng alkalde na sa Maynila, maaaring mamili ng bakuna at ito ay boluntaryo .
Inaasahan darating ang mga bakuna sa loob ng dalawang buwan at ang pinakamatagal ay sa loob ng walong buwan.
- Latest
