Chinese pinadampot ng kababayan
MANILA, Philippines — Ipinaaresto ng isang Chinese national ang kaniyang kababayan nang hindi ibigay sa kaniya ang ipinapalit na P.6-milyon sa Chinese yuan, sa loob ng Solaire Resorts and Casino sa Tambo, Parañaque City.
Kinilala ang dinakip na suspek na si Li Bo Yin, 40, at residente ng Brgy. 193, Pasay City.
Isa pang suspek na lalaki ang hinahanap pa, na itinuturong may hawak umano ng natangay na pera.
Sa reklamo ng biktimang si Li Lulin, 28, dakong alas- 7:00 ng gabi noong Martes nang kunin sa kaniya ng suspek at kasama nitong lalaki ang pera.
Ayon sa reklamo, ipinagkatiwala ng biktima sa suspek ang pera niya mula sa Alipay account, isang popular na e-wallet services sa Asia, para ipalit ng RMB o Chinese Yuan subalit hindi na naibigay ng suspek kaya nagpasaklolo sa pulisya.
Nang respondehan, inabutan lang si Li habang ang kasama nito ay nakatakas.
- Latest
