Class suspension sa Filipino-Chinese schools sa Maynila pinalawig

MANILA, Philippines – Pinalawig ng ilang mga Filipino-Chinese schools sa lungsod ng Maynila ang kanilang ipatutupad na class suspension, bilang precautionary measure o pag-iingat pa rin laban sa 2019 Novel Coronavirus (n-CoV).

Ang mga Filipino-Chinese schools sa Maynila na suspendido ang klase ay ang Uno High School sa Tondo (suspended indefinitely); Chiang Kai Shek College sa Tondo (suspendido hanggang Feb. 08, 2020). Nitong mga nakalipas na araw, nagkaroon ng general cleaning sa paaralan, dahil sinamantalang walang klase.

Gayundin,  ang Hope Christian High School sa Tondo na magresume ang klase sa Feb. 03) at St. Stephen’s High School sa Tondo na suspended indefinitely. Inaasahan na magbabalik sa normal ang mga klase at aktibidad sa Feb. 10, subalit depende pa sa sitwasyon.

Hanggang Pebrero 8 naman suspendido ang St. Jude Catholic School sa San Miguel .

Nililinaw naman ng mga naturang paaralan na walang kaso ng n-CoV sa kani-kanilang estudyante, faculty o mga staff.

Sakali namang may pasok na sa mga paaralan, pinapayuhan ang mga estudyante, faculty at school personnel na magsuot ng face mask at magdala ng alcohol o sanitizer.

Kailangan din na maging alerto ang lahat, at sumunod sa health advisories.