2 timbog sa panghahalay
MANILA, Philippines — Inaresto ng mga pulis ang dalawang kalalakihan sa magkahiwalay na panggagahasa sa isang 6-anyos na batang babae at isang 16-anyos na dalagita sa Pasay at Valenzuela City, kamakalawa.
Kinilala ni P/Col. Bernard Yang, hepe ng Pasay City Police ang nadakip na suspect na si Leoncio “Jhun” Lagumot, 47, Central Kalayaan ng nasabing lungsod.
Lumabas sa report, alas-11:00 kamakalawa ng umaga nang halayin umano ni Lagumot ang 6-anyos na pamangkin batang babae habang mag-isa itong naiwan ng kanyang lola sa kanilang bahay sa nabanggit na lugar.
Ayon sa lola ng biktima na hindi na nagpabanggit ng pangalan, isinumbong sa kanya ng kanyang apo ang ginawang panghahalay ng suspect.
Dahilan upang magharap ng reklamo ang lola sa himpilan ng Pasay City Police, na nagresulta nang pagkakadakip sa nabanggit na suspect.
Alas-7:00 naman kamakalawa ng gabi ay nadakip rin ng Valenzuela City Police ang suspect na si Remmy Custodio,alyas Roldan , 38, sa kanyang bahay sa 2 Ilang-Ilang St., Brgy. Balangkas ng naturang lungsod.
Matapos umano nitong dalawang ulit gahasain ang isang 16-anyos na dalagita at molestiyahin pa ang isang 12-anyos na dalagita sa naturang lugar. Si Lagumot ay nahaharap sa kasong Rape at paglabag sa Republic Act 7610 o Child Abuse Law at gayundin si Custodio at kinasuhan din ito ng 2 counts slight illegal detention.
- Latest