2 pinabulagta ng tandem
MANILA, Philippines — Bulagta ang dalawang lalaki nang pagbabarilin ng riding in tandem kamakalawa ng gabi sa Tondo, Maynila.
Tinangka pang isalba ng mga doktor sa Mary Johnston Hospital ang mga biktimang sina John Kervin Madayag alyas Empoy, 26, at Jun Aguilar, 57, subalit kapwa binawian din ng buhay.
Sa inisyal na ulat, alas- 8:20 kagabi nang mangyari ang pamamaril sa dalawang biktima sa kahabaan ng Laurel St., sakop ng Brgy. 119 sa Tondo.
Nasa labas ng bahay ang unang biktima habang nakaupo sa nakaparadang motorsiklo nang sumulpot ang suspek at saka binaril
Matapos barilin si Madayag, habang naglalakad naman sa Camacille kanto ng Laurel St. nang makita naman si Aguilar sa tapat ng kanilang bahay at saka binaril din.
Nagawa pang tumakbo sa loob ng kanilang bahay si Aguilar ngunit sinundan pa ito ng suspek at muling binaril.
Ayon kay P/Master Sgt. Jansen Rey San Pedro ng MPD-Homicide Section, inaalam pa ang motibo sa pamamaril sa mga biktima habang patuloy ang pagtugis sa suspek.
- Latest