MANILA, Philippines - Labis na ikinatuwa at ipinagpapasalamat ng mga senior citizen ang pagkakaloob ng Light Rail Transit (LRT) Lines 1 at 2 ng libreng sakay sa kanila kahapon bilang selebrasyon sa Elderly Filipino Week.
Ayon kay Aling Arsenia, 75, ng Paco, Manila, at isa sa mga pasahero ng LRT na nakinabang sa libreng sakay, nakatutuwang kahit sa mga ganitong simpleng bagay ay naipapakita ang pagbibigay-halaga sa mga senior citizen.
Tinatayang daang senior citizen rin naman ang nakinabang sa libreng sakay ng LRT-1 at 2 na isinagawa simula alas-5:00 ng madaling-araw hanggang sa pagtatapos ng revenue service. Kinailangan lamang ng mga matatanda na magpakita ng senior citizen’s ID sa mga guwardiya sa istasyon ng tren upang maka-avail ng libreng sakay. (Mer Layson)