P1.5-M halaga ng ari-arian naabo
MANILA, Philippines - Aabot sa P1.5 milyong halaga ng ari-arian ang naÂabo sa sunog na lumamon sa dalawang palapag na bahay sa lungsod Quezon kahapon ng umaga.
Ayon kay Sr. Supt. Jesus Fernandez, fire marshal ng Quezon City Fire Station, ang nasunog na bahay ay pag-aari ng isang Richard Tan na matatagpuan sa bahagi ng Banawe St. sa Bgy. Sto. Domingo, Quezon City.
Nagsimula ang sunog sa garahe ng isang dalawang palapag na bahay, ganap na alas-7:58 ng umaga maÂtapos ang umano’y isang maÂÂlakas na pagputok sa servant quarters nito.
Sabi ni Fernandez, posibleng nagkaroon ng electrical short circuit sa nasabing lugar dahil may kalumaan na ang bahay na siyang pinalala naman ng mga highly flammable na spray paint at pintura na naimbak dito.
Agad itinaas ang sunog sa ikalawang alarma na idineklara namang fire out alas-8:40 ng umaga.
Wala namang iniulat na nasaktan o nasawi sa nasabing sunogÂ.
- Latest