MANILA, Philippines - Natimbog ng mga tauhan ng pulisya ang itinuturing na pangalawang most wanted criminal sa CAMANAVA area sa isinagawang operasyon kamakalawa sa Navotas City.
Kinilala ang nadakip na si Reynaldo Cruz Sr., ng M. Domingo St., Brgy. Tangos, Navotas City na nahaharap sa kasong murder.
Sa report na natanggap ng Northern Police District (NPD), nadakip ng mga operatiba ng Warrant Section ng Navotas City Police si Cruz sa bisa ng isang warrant of arrest na inisyu ni Judge Leonardo L. Leonida, ng Branch 74, NCJR, Malabon City matapos makatanggap ng impormasyon na umuwi ito sa kanyang bahay.
Lumalabas sa rekord ng pulisya, na sa 20 most wanted criminal sa area ng CAMANAVA, nabatid na si Cruz ay itinuturing na pumapangalawa.