Muslim employees ng Quezon City hall, pinayagang mag-flexi time ni 'SB'

MANILA, Philippines - Pinayagan ni Quezon City Mayor Feliciano “SB” Bel­monte na mag-flexi time sche­dule ang mga Muslim na nag­ta­trabaho sa QC hall upang bigyang pagka­ka­taon ang mga itong gu­nitain ang isang buwang pagdaraos ng Ramadam.

Sa ipinalabas na memo­randum circular ni Bel­monte, nakasaad dito na ang flexi-time schedule sa mga Muslim employees ay mula alas-7:30 ng umaga hanggang alas-3:30 p.m. na walang noon break.

Ang naturang schedule ay tatagal hanggang Set­yembre 20. Sa ngayon, may 42 Mus­lims na nagtatrabaho sa QC Hall na karamihan sa mga ito ay mga guro sa Madra­sah school system.

Sa kasalukuyan, may­roon 33 Muslim communities sa Que­zon City. (Angie dela Cruz)