Food Lane ilalaan sa MM

MANILA, Philippines - Maglalaan na ang Me­tro­politan Manila Develop­ment Authority ng food lane sa lahat ng mga pa­ngunahing lansangan para sa mga perishable goods o madaling matunaw at mabulok na mga pagkain na dinadala ng mga biya­hero papasok sa Kalak­hang Maynila.

Ayon kay MMDA chair­man Bayani Fernando, ang nasabing hakbang ay ginawa matapos na ipara­ting sa kanyang tangga­pan ng iba’t ibang lokal na pa­mahalaan ng mga ka­ratig bayan at probinsiya ang naturang panukala.

Ayon kasi sa mga biya­hero, nararapat lamang na magkaroon ng “food lane” na nakalaan lamang sa kanilang mga trak na may dalang mga gulay at prutas na noon pa ay hindi anila nabibigyan ng pansin ng mga namumuno ng Kalak­hang Maynila. (Rose Tamayo-Tesoro)