Hindi na umabot ng buhay sa Makati Medical Center sanhi ng maraming tama ng kalibre .38 baril sina PO3 Noel Merano, 48, nakatalaga sa WPD at SPO2 Eduardo Merano, 51, kapwa naninirahan sa #2706 Maria Aurora st., Bgy. Poblacion, nabanggit na lungsod.
Tumakas naman at tinutugis na ang suspek na nakilalang si Rodolfo Cruz, 48, sekyu, sa hindi nabanggit na establisimiyento at nakatira sa #2879 Pertierra st., nabanggit na barangay.
Base sa inisyal na imbestigasyon ni PO2 Allan Esquillo ng Homicide Section Makati Police, dakong alas-8:45 kamakalawa ng gabi habang ang magkapatid na pulis ay nakikipag-inuman sa kanilang tatlong kaibigan sa labas ng kanilang bahay ng biglang salakayin ni Cruz na may dalang kalibre .38 baril ang grupo ng mga biktima.
Walang sabi-sabing pinagbabaril ni Cruz ang magkapatid na Merano saka tumakas.
Nabatid na paghihiganti umano ang motibo ni Cruz matapos mapag-alaman na napatay umano ng isa sa biktimang si Noel ang bayaw ni Cruz na nakilala lamang sa pangalang Pedio noong 1996. (Ulat ni Lordeth Bonilla)