Joyce magpasexy alang sa Scorpio 3?

Diretsong giangkon ni Pantasya ng Bayan Joyce Jimenez nga nagpa-liposuction siya ug gipagamyan pod ang iyang boobs una pa siya mipailalum sa mga kamot ni Raymund Isaac alang sa cover sa March issue sa Manual Magazine, Assembly For Men.

Apan gituohan nga ang labing dakong hinungdan nganong nagpasexy si Joyce mao ang gihugon-hugon nga posibilidad aron siya gihapon ang himoong bida alang sa "Scorpio Nights 3" nga una nang gitanyag ngadto ni Viva Hotbabe Sheree apan kaduha-duhaan na nga mahinayon.

Gibalita dinhi sa PangMasa nga gipaneguro ni Sheree nga mahinayon gyud siya alang sa Scorpio Nights, apan padayon pa karong gihusay ang isyu kalabot sa copyrights.

Apan nagkakusog gyud ang pagtuo nga ang rason nga gidugay-dugay ang maong proyekto mao nga aron si Joyce na ang modala niini, sanglit siya man usab ang bida sa Scorpio 2 with Albert Martinez.

Sa TV Patrol World kagabii diretso nga miangkon si Joyce nga nagpatabang siya ni Dra. Vicki Belo ug nga andam na siya nga magpa-sexy og balik sa mga pictorials ug movies.

Daghan ang naghinam-hinam nga makita og balik ang kurbada nga lawas sa Pantasya ng Bayan sanglit taud-taud man siya nga nawa dinhi sa nasud sanglit iyang gipadayon ang iyang Marketing degree sa usa sa mga unibersidad sa Australia.

Karon nga wala pa kaayoy projects, busy si Joyce sa pagduma sa iyang negosyo, ang Private Joyce Apparel.