First draw sa Gaisano 'A Million Thanks' promo

Ang Gaisano Main ug Gaisano Country Mall mopahigayon na sa unang bola sa ilang "A Million Thanks" Family Car promo karong Disyembre 17, adlaw nga Sabado. Ang maong pagbola paga-ubanan ug usa ka midnight sale. Hangtod 50% ang diskwento sa mga palaliton ug atol sa pagbola manghatag ug Suzuki APV ug 10 ka Samsung TV ug 10 ka refrigerators isip sayong pinaskuhan.

Aron sa paghatag og dugang kalingawan,makita atol sa pagbola ang sikat nga artista sa GMA-7 nga si Katrina Halili nga naila na kaayo sa papel nga "Black Darna". Siya usab ang pinakabag-o karon nga FHM Magazine Cover Girl. Una siyang mohimo og pasundayag diha sa Gaisano Main Foodsquare sa samang adlaw alas-7 sa gabii ug inig kahuman moadto usab siya sa Gaisano Country Mall alang sa lain na usab nga pasundayag. Inabagan kini sa Suzuki Auto Cebu ug Samsung. - PR