Tinud-on na niya ang pagka artista

Giila na si Marco Alcaraz sa showbiz nga usa sa labing in-demand isip product indorser, ramp model ug artista busa kadaghan na usab siya makita sa telebisyon ug mga billboards gawas sa iyang mga TV guestings ug mga pelikula. Sa una pa lang niyang pelikulang "Aishte Mashu" mahinungdanon na ang iyang papel isip bodyguard ni Jay Manalo samtang sa ikaduha niyang pelikula, leading man na siya ni Jodi Sta. Maria sa "Ang Birhen sa Manaoag" Bisan pa niini, wa pa siya'y planong mopalit og balay sa Manila kay mas ganahan pa man gyod siyang mopauli sa ilang pinuy-anan dinhi sa Cebu. Miadto lang gani unta siya sa Manila aron mahimo siyang usa ka basketball player sa PBA ug misugod una sa pagka basketball player sa ilang eskuylahan, ugaling lang kay pagdawat niya sa offer og modelling, midaghan ang tanyag hangtod nahimong artista busa matud niya, kay naartista na man gyod siya, tinud-on na lang gyod kini niyang iyang pagka artista.