Wa matarung og bahin ang yuta

Dear Atty. Divine,

Ang akong mama adunay na-inherit nga property gikan sa iyang mga ginikanan.

Lima sila ka magsuon nga magbahin niini. Ang mga igsuon ni mama nagpili sa dapit diin maoy gusto nilang maangkon. Ang uban anaa gyud mipwesto sa atubangan samtang si mama atua na sa ilang likod.

Ang akong pangutana kun unsay angay nga buhaton nilang mama aron patas ang pagkabahin sa maong yuta?

Rico

* * *

Dear Rico,

Mas maayo nga inyong ipasukod ang maong property og ipa subdivide ngadto sa lima ka bahin ang maong yuta aron patas ang share nga maangkon sa matag heir.

Ang surveyor makasugyot sab unya kun unsaon sa pag-divide ang property aron ang tanan maka share sab sa atubangan nga bahin sa  yuta ug dili kay angkunon lang kini sa usa ka igsuon samtang ang uban atua na sa luyo nga bahin ug mao pa sab hinuon kini ang mamahimong hinungdan nga mag-away ang magsuon.

Kun ma subdivide na ang property then that’s the time nga magpirmahanay na sila og Extrajudicial Partition ug mamahimo na nilang i-develop o tukuran og balay ang ilang bahin. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa  akong column matag Miyerkules, Sabado ug Domingo.