Eala-Shnaider rematch sa Toray Pan Pacific Open

MANILA, Philippines — Maghaharap sina Pi­nay tennis sensation Alex Eala at Russian star Diana Shnaider sa quarterfinals ng 2026 Toray Pan Pa­cific Open sa Tokyo, Ja­pan.

Itinakda ang rematch ng World No. 19 na si Eala at ng No. 13 na si Shnaider matapos sibakin sina Talia Gibson ng Australia, 4-6, 6-2, 6-0, at Aliaksandra Sas­novich ng Belarus 6-3, 6-7 (7), 6-3, sa Round of 16, ayon sa pagkakasunod.

“I think Diana’s been ha­ving a really great season, obviously, and playing super well,” sabi ni Eala kay Shnaider.

Noong nakaraang linggo ay nagtuos din sina Eala at Shnaider sa Round of 16 ng Ningbo Open sa China.

Tinalo ng 22-anyos na Russian netter ang 21-an­yos na Pinay ace, 7-5, 6-4.

Sumampa si Shnaider sa semifinals kung saan siya natalo sa nagreynang si Elena Rybakina.

Binuksan ni Eala ang kampanya sa Pan Pacific Open sa 6-1, 6-2 dominas­yon sa 17-anyos na si Bri­tish wildcard Mika Stojs­avljevic sa Round of 32 ba­go talunin si Gibson sa Round of 16.

Naglalaro si Eala sa Pan Pacific Open, isang WTA 500 event, bilang No. 8 seed, habang No. 3 na­man si Shnaider.

Matapos ang torneo ay sasalang si Eala sa Hong Kong Tennis Open na nak­atakda sa susunod na linggo.