Pinagtagpo ng hilig sa Anime
Dear Dr. Love,
Ako po si Eugine. May ka-chat ako sa fb, si Cristie. Pareho kaming mahilig sa anime. Member kami ng mga toy collectors sa fb. Nagsimula lang ang communication namin dahil sa binenta ko online ang 8 inches na Luffy. Marami ang nagkakagusto sa marineford Luffy original. 2K ang last price ko.
Binabarat kasi ng iba kaya ayaw kong ibigay. Si Cristie lang ang nagsabi na i-reserve ko para sa kanya at magdaragdag pa siya ng 200 pesos para lang hindi ko na ibigay sa iba.
Kaka-chat ko kay Cristie, nagkakasundo kami sa mga collections namin. Mas gusto niya raw ang anime kaysa sa mga superheroes na collections. Taga Bagiuo siya kaya ini-enjoy lang niya ang bakasyon.
Hanggang nag-aya siya na mag-join kami sa mga cost plays and exhibits. Nakakatawa nga hindi ko siya makita noong unang meet up namin sa SMX. Naka-costume kasi siya ng Sakura kaya pala hanap ako ng hanap, katabi ko na pala siya.
Masaya naman kami sa mga pinag-gagawa namin. Kaso umpisa na ng pasukan, uuwi na siya sa Baguio. Hoping na magkita kami uli. Tuloy pa rin naman ang communication namin. Kaso nakaka-miss lang dahil hanggang online na lang kami magkikita. Ewan ko, mas nagiging masaya ako ‘pag nakikita ko siya.
Eugine
Dear Eugine,
Nakakatuwa naman ang experience mo. Marami na ngayong nahuhumaling sa anime kahit nga matatanda o maging ang mga arista, nag-e-enjoy rin na mangulekta ng mga toys maging original o hindi. Anyway, totoo nga ‘yung kasabihan na bird with the same feather flocks together.
Huwag mo namang damdamin kung bihira na kayo magkikita ni Cristie. Syempre priority muna ang pag-aaral bago ang mga nakahiligan.
Tuloy naman ang communication ninyo kaya enjoy lang at kung may pagkakataon, magkita kayo uli ay mas lalong magiging masaya kayo. Enjoy your friendship o kung mas maging malalim pa ang inyong bonding, eh ‘di mas masaya ang buhay.
DR. LOVE
- Latest