Looking for love

Dear Dr. Love,

I’m Miss M., ako po ay single pa rin sa age na 36. I thought na ikakasal na ako this year pero naunsyami pa rin dahil sa maling pag-ibig. May pinakilala ang aking friend sa akin thinking na ito na ang makakasama ko habang buhay kaso hindi pala. Naging kami nung nireto ng friend ko pero ‘di pa rin kami nagkatuluyan. Mas bata siya sa akin ng ilang taon pero matured ang hitsura.

Noong una palagi niya akong sinusundo pero nang tumagal tumigil na siya hanggang sa palagi na siyang busy. Then kinausap ko siya , nabigla ako sa sinabi niyang  gusto niyang mag-abroad dahil siya ang inaasahan ng buong family niya. Siya raw ang bread winner. Pinalaya ko siya. Ngayon wala na ka­ming communication. May pag-asa pa kaya akong makakita ng makakasama habang buhay? Sana po sa column ninyo may makilala akong tunay na magmamahal sa akin. Salamat.

Umaasa,

Ms. M.

[email protected]

Dear Ms. M.

At 36 years old, tila nga malapit ka nang mag-last trip. Pero hindi pa huli ang lahat. Mayroon ngang iba na mas matanda pa sa iyo na nakahahabol.

Kung minsan, may mabuting dahilan ang Diyos kung bakit hindi natin agad natatagpuan ang ating kapalaran. Ito ay para hindi tayo magkamali sa kaparehang pipiliin natin.

Buweno, inilalathala ko ang iyong email address and I wish you all the best.

Dr. Love