Graduation fever

Kini ang gibati sa kadaghanang mga batan-on nga human sa hataas nga mga katuigan sa pagbudlay ang nakaabot na gyud sa ilang padulngan. Gibati ko usab ang kalipay sa dihang nakita ko ang akong mga unang estudyante sa University of San Carlos nga nagmalampuson taliwala sa dakong kalisdanan sa pagtuon. Angay lamang nga sila pahalipayan. Apan human sa maong kasinatian padayong molipang ang mga pangutana sa mga dapit nga angayan nilang pagadulngan. Susama ang akong gibati niadtong sama kanila nipaso ko aron kuhaon ang akong diploma bisan muna sa ginhawa. Wala gani katambong ang akong mama ug puhaw pa ang akong toga. Apan bisan pa niini feeling successful ang peg sa dihang nipaso ako. Ning kinabuhia mahinungdanon kaayo ang paghunahuna kanunay sa kaanindot sa kinabuhi. Ug kay nindot man angay lamang nga ato kining saulogon ug ang graduation sinugdanan pa lamang sa umaabot nga panaw sa kulbahinam nga kinabuhi. Alang sa mga graduates congrats!