Unang araw ng paghahain ng CoCs sa Comelec dagsa

MANILA, Philippines — Mas lamang ang bilang ng mga tatakbo sa barangay positions na nagtungo sa Commission on Elections (Comelec) kahapon kumpara sa mga nais na kumandidato sa Sangguniang Kabataan elections.

Kapansin-pansin din umano na mas nakararaming kandidato ang senior citizens at nasa kalahati umano ng naghain ng certificate of candidacy (CoC) ay kababaihan.

Gayunman, sinabi Comelec spokeperson James Jimenez na unang araw pa lamang ito na hindi inaasahang dadagsain na ang mga Comelec office.

Panay lamang umano ang tanggap ng CoC ng mga naghahain nito at sakaling may mga madi-disqualify ay hindi pa agad ito makikita sa ngayon.

Hinimok naman ang mga nais pang maghain ng kandidatura na may panahon sila hanggang sa Abril 20, 2018 at maaring mag-download ng CoC forms sa official Comelec website.