Gloria: Maxine, “saling pusa”

CEBU, Philippines - Nigawas na pud ang wala’y preno  nga baba ni  Miss Universe 1969 Gloria Diaz ug nahimo na pud nga isyu ang latest comment niya kang  Maxine Medina nga pambato sa Pilipinas sa umaabot nga Miss Universe.

Sa interview niya sa programang Headstart sa ANC kagahapon,  gihinganlan niya ang lima niya nga mga bet  sa  65th Miss Universe pageant ug nag-una sa listahan si Maxine   apan nipakapin kini og lenggua nga  mahimong “saling pusa” (token candidate)  ang dalaga sa maong indigay.

"She cannot nga be the winner. She can be first runner-up. I hope I’m proven wrong for the first time in my life. I want her to win. I want us to be so proud, but you know, that’s life," suma pa ni Diaz.

Una na nga gipikhan si Diaz sa fans ni Maxine gumikan sa lenggua niini  kaniadto nga gamay og tsansa ang dalaga nga makalangkat og back-to-back win.

Gawas sa Pilipinas, bet usab niya sila si  Miss Venezuela, Miss Dominican Republic, Miss Thailand,ug  Miss China .

Maxine mag-English gyud!

Gibutyag  kagahapon sa pambato sa Pilipinas sa 65th Miss Universe  nga si Maxine Medina ngadto sa pipila ka reporters nga mogamit siya og pinulongang English atol sa “question and  answer” portion sa maong indigay karong Enero 30 diha sa  Mall of Asia Arena.

Apan matud pa ni Maxine nga duna’y naka-standby nga interpreter ,  “just in case.” 

 Buhaton ni Maxine ang tanan aron maangkon ang korona nga kasamtangang gihuptan ni Pia Wurtzbach. (BANAT NEWS)