Group B top seed target ng Magnolia sa RoS

MANILA, Philippines — Mag-aagawan sa tuktok ng kanilang mga grupo ang apat na koponan sa se­gunda sa huling bakba­kan ng PBA Season 50 Go­vernors’ Cup sa Ynares Center sa Antipolo City.

Unang sasabak ang NLEX (9-2) at San Miguel (8-3) ngayong alas-5:15 ng hapon para sa liderato ng Group A, habang magdi­dikdikan ang Magnolia (6-3) at Rain or Shine (5-3) sa main game ng bigating double-header sa alas-7:30 ng gabi para sa primera pu­westo sa Group B.

Kinapos ang Magnolia sa RoS, 97-98, sa una nilang pagtutuos subalit da­hil sa mas mataas na re­kord ay kailangan lang ma­nalo ilan man ang bentahe upang masiguro ang No. 1 seed para sa 7-3 kartada.

Mapananatili naman ng Elasto Painters ang pag-asa sa top spot kung magwawagi dahil may isa pa itong laban kontra sa Phoenix (5-4) sa huling laro sa Biyernes.

Parehong pasok na sa Group B ang Magnolia, Rain or Shine at Phoenix, ha­bang karambola para sa huling upuan ang Ginebra (4-5), Meralco (4-6) at Blackwater (3-6).

Kumpleto na rin ang cast sa Group A tampok ang NLEX, SMB, Converge (8-4) at reingning champion TNT Tropang 5G (7-5) para sa best-of-five crossover quarterfinals kontra sa mga pambato ng Group B.

Subalit upang mahab­lot ang No. 1 seed sa NLEX, kailangang manalo ng Beermen ng 15 points o higit pa matapos ang 96-110 kabiguan sa Road Warriors sa first round.

“Whatever happens, ka­hit No. 1 or No. 2, we should be okay pero we’d still be going for a win kasi, sabi ko nga sa team, always go for the win, kahit no-bearing, para ‘iyung sharpness hindi mawala,” ani SMB mentor Leo Austria.

“Last game ng elimina­tions para sa amin so ka­il­angan pumukpok,” dag­dag nito.