Inflation rate bumagal pa

MANILA, Philippines — Bumagal pa ang inflation rate o bilis sa paggalaw ng presyo ng mga produkto at serbisyo sa bansa.

Sa datos na ilinabas ng Philippine Statistics Authority (PSA), pumalo lamang sa 2.4% ang inflation rate nitong Hulyo, mas mababa sa 2.7% na naitala noong Hunyo.

Nananatiling top contributor sa mabagal na inflation ang hanay ng food and non-alcoholic beverages na may 31.6-percent share.

Kabilang din ang karne, isda, housing, tubig, kuryente at gasolina.

Sa labas ng Metro Manila, nananatiling mabilis ang paggalaw sa presyo ng mga produkto sa Mimaropa bagamat mas mababa ang 4.9-percent nito mula sa 5.2-percent noong Hunyo. Pinakamabagal sa Central Visayas sa 1.1-percent.

Ito na ang pinakamababang inflation rate na naitala ng PSA mula noong buwan ng Enero 2017.