DNA test sa suspek isasama sa booking procedure ng PNP
MANILA, Philippines — Isasama na sa booking procedure ng PNP-Crime Laboratory ang DNA test sa mga suspek upang mapabilis ang pagresolba lalo na sa mga karumal-dumal na krimen.
“The DNA is an effective tool sa investigation and even sa prosecution ng crime it can either convict or acquit the suspect relative sa participation or non-participation sa isang krimen,” pahayag ni PNP Crime Lab Director Police Brigadier General Rolando Hinanay.
Sa ilalim ng PNP Operating Procedures, lahat ng mga naarestong suspek ay kinakailangang dumaan sa booking procedures upang mairekord ang mga impormasyon laban sa mga suspek.
Kabilang dito ang pagkuha ng fingerprint, mugshot at medical examination.
Binigyang diin din ng opisyal na napapanahon na ang pagsasabatas ng House Bill 72150 na naglalayong makakuha ng mga DNA samples sa mga naaresto.
Kabilang dito ang crime scene, convicted offender, detainee at mga nahuhuling drug dependents.
Mahigit 60 bansa na ang gumagamit ng DNA database system sa pagresolba sa mga malagim na krimen.
- Latest