US Embassy nag-warning sa mga Kano vs pambobomba

MANILA, Philippines - Inalerto ng US Embassy ang kanilang mga mama­mayan na nasa Pilipinas na maging maingat, mapagmatyag at umiwas sa anumang terorismo o tangkang pambobomba.

Ang babala ay kaugnay ng pagkakadakip nitong Oktubre 7 sa lungsod Quezon ng 3 suspek na sina Ricardo Ayeras, Andrescio Valdez at Ricky Macapagal na sinasabing konektado sa mga teroristang grupo.

Si Ayeras ay sinasabing miyembro ng Rajah Solaiman Movement na nagpasabog umano sa isang airport sa Datu Odin, Sinsuat, Maguindanao noong taong 2003.

Payo ng embahada sa mga US citizen, manatiling mapagmatyag.  Huwag din anilang galawin ang mata­tagpuang kahina-hinalang bagay.

Sakaling may makita o makaalam ng anumang tangkang pagpapasabog ay agad itong ireport sa mga awtoridad.