23 OFWs na naipit sa Syria, uuwi ngayon
- Ni Ellen Fernando () - May 22, 2012 - 12:00am

Manila, Philippines -  May kabuuang 23 Overseas Filipino Wor­kers (OFWs) na naipit sa kaguluhan sa Syria ang nakatakdang dumating sa bansa ngayon.

Ayon sa Department of Foreign Affairs (DFA), ang 23 OFWs na pawang kababaihan ay inaasahang lalapag sa Ninoy Aquino International Airport dakong alas-11:55 ng gabi lulan ng Emirated Airlines flight EK-334.

Pito sa mga repa­triates ay mula sa magulong bahagi ng Syria sa Homs, habang isa ang nanggaling sa Hama.

Ang mga uuwing mang­gagawang Pinay ay kinupkop at pansamantalang nanatili sa Embahada ng Pilipinas sa Damascus halfway house habang pinoproseso ang kanilang exit clearance pauwi sa Pilipinas.

Nauna rito, may 25 pang OFWs ang duma­ting sa bansa mula Syria noong May 14.

Naitala ng DFA nitong Mayo 20, na may 1,489 kabuuang bilang na ng mga Pinoy ang napauwi na ng pamahalaan mula Syria simula nang ipatupad ang alert level 4 o mandatory evacuation sa nasabing bansa noong Disyembre 22, 2011.

Muling nagpaalala ang DFA sa pamilya ng mga OFWs na magbigay ng kaukulang impormas­yon upang matunton ang kanilang kaanak na nanganganib ang kaligtasan dahil sa patuloy na kaguluhan sa Syria na makipag-ugnayan sa Office of the Undersecretary for Migrant Workers’ Affairs (DFA-OUMWA) sa numero (02) 834-3245 o (02) 834-3240.

AYON DEPARTMENT OF FOREIGN AFFAIRS DISYEMBRE EMBAHADA EMIRATED AIRLINES MIGRANT WORKERS NINOY AQUINO INTERNATIONAL AIRPORT OFFICE OF THE UNDERSECRETARY OVERSEAS FILIPINO WOR PILIPINAS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with