Erap muling nadale sa numero 13

Muling napatunayan kamakalawa na malas kay dating pangulong Estrada ang numero 13, makaraang hindi magtagumpay ang kanyang mga tagasuporta na pabagsakin ang pamahalaang Arroyo.

Ayon kay PPC senatorial candidate Liwayway Vinzons Chato, naganap ang tangkang pagpapabagsak kay Arroyo ng mga Erap supporters, 13 araw bago mag-eleksiyon. "Hindi naman siguro sinasadya ng mga supporter niya na isagawa nila yong pagsugod sa Malakanyang noong Martes (May 1), 13 days before election."

Ayon pa kay Chato, malamang na lalong malasin ang mga senatorial candidates ni Estrada dahil ang kowalisyon nitong "Puwersa ng Masa" ay may 13 letra. (Ulat ni Malou Rongalerios)