Wala katikang sa haya

CEBU, Philippines — Napanglantawan ni Albie Casino nga dili siya welcome busa wala gyud siya katikang kaniadto sa haya ni Jaclyn Jose.

Ang beteranang aktres maoy inahan sa ex-girlfriend ni Albie nga si Andi Eigenmann.

"I don't think my presence would be welcome there, so ba't ako makikiramay, di ba?," matud pa ni Albie.

Nakadaog sa Dubai

Dili gyud masukod ang gibating kalipay ni Katrina Halili human siya nakadaog isip Best Supporting Actress sa prestihiyosong Emirates Film Festival sa Dubai. Nabatyagan ang maayong pag-arte ni Katrina sa pelikulang Abe Nida. Gawas kang Katrina, ang co-star niya sa Abe Nida nga si Allen Dizon maoy napili nga Best Actor.