SB19 wala mabungkag
![SB19 wala mabungkag](https://media.philstar.com/photos/2024/02/29/2_2024-02-29_23-59-11.jpg)
CEBU, Philippines — Gi-release na sa SB19 member nga si Justin de Dios ang iyang awit nga "Surreal."
Gitataw ni Justin nga bisan dunay solo projects ang mga miyembro sa SB19 , wala nagpasabot nga mabungkag na sila.
Naa gihapon ang ilang grupo ug kabahin lang sa pagpalig-on sa ilang career ang gidawat nila nga solo projects.
“Binibigyan lang namin ng time 'yung bawat isa na magkaroon ng solo projects. Actually hanggang ngayon may pine-prepare kami as a group,” saysay pa ni Justin ngadto sa ABS-CBN News. Nasayran nga gawas sa Pilipinas ,ilado pud ang SB19 sa laing nasud.
Vice nanawagan nga magmatngon sa mga scammer
Gipahimagnoan ni Vice Ganda ang publiko nga magbinantayon gumikan kay dunay mga scammer nga nagpaila nga kauban sa iyang grupo.
Suma pa sa komedyanteng TV host nga walay "Peach" nga kabahin sa iyang grupo nga nagtanyag og vlog collaboration.
"WAG MAGPAPA-SCAM. 'Wag agad magpapaniwala sa mga ganitong messages! Walang 'Peach' sa team namin. Kung may kakausap man sa inyo, 'yun ay ang official accounts ng Team Vice!" ,social media post ni Vice.
Kathryn-Albie tandem lisod banhawon
Alang kang Albie Casiño ,hanap ang posibilidad nga mabanhaw pa ang loveteam nila ni Kathryn Bernardo.
Hinoun andam ra gyud siya modawat kun tanyagan siya og proyekto nga pagaparesan nila ni Kathryn ,apan napanglantawan niya nga lisod pa kini mahitabo sanglit susama sila nga dunay laing tagsa-tagsa ka mga proyekto nga nakalinya.
Kahinumdoman nga human nagbuwag sila si Kathryn ug Daniel Padilla sa niaging tuig, pipila sa fans ni Albie ang nanawagan nga unta mahibalik ang tandem nila sa aktres.
Si Albie ang unang ka-loveteam ni Kathryn ug ni-click kaniadto ang tandem nila sa ‘Mara Clara.’ .
Wala masundi ang ilang panagpares human naapektohan ang career ni Albie kinsa giintriga nga nakapamabdos ni Andi Eigenmann .
Daghan ang gisayangan sa career ni Albie ilabi na sa dihang nigawas ang kamatouran nga dili diay siya ang amahan sa gisabak ni Andi.
Andrea miregalo og motor sa duha ka personal assistants
Gitagsaan ni Andrea Brillantes ang iyang duha ka personal assistants og motorsiklo isip pasalamat sa saktong pag-atiman niini ngadto kaniya .
Ang maong mga motorsiklo kay nagkantidad og kapin sa P100,000 matag usa.
Dream come true gyud kini sa duha niya ka assistants nga sila si Ryza ug Sabel, nga nagtigom unta aron makapalit og motor.
Giklaro ni Andrea nga gikan sa kaugalingon niya nga bulsa ang pagpalit sa maong mga motor ,ug dili kini sponsored .
“I’m not really doing this for content lang. Naisip ko lang na i-film ko na lang din siya kasi memories din to for me, and Ate Sabel, and Ryza," matud pa ni Andrea.
Jake mosulod sa "Can't Buy Me Love"
Naghudyaka ang fans ni Jake Ejercito gumikan kay mosulod ang ilang idolo sa Kapamilya primetime series nga "Can't Buy Me Love" nga gibidahan nila ni Donny Pangilinan ug Belle Mariano.
Kahinumdoman nga ni-renew si Jake sa iyang kontrata sa ABS-CBN human sa kalamposan sa iyang paglugwa kaniadto sa "Marry Me, Marry You," "Fit Check: Confessions of an Ukay Queen" ug "The Broken Marriage Vow."
Nalakip pud siya sa primetime drama nga "Linlang."
Kim Won-shik nitikang sa nasud
Nitikang sa Pilipinas ang Korean actor nga si Kim Won-shik alang sa taping sa upcoming Philippine adaptation sa What's Wrong With Secretary Kim. "This is my first time to meet Kim (Chiu) and Paulo (Avelino) but I used to know Kim before. Kim was really, really famous when I was a student here in the Philippines back in 2011 I think," saysay pa sa maong Korean star ngadto sa ABS-CBN News.
Tribute alang kang Gloria
Duha ka buwan na ang nilabay human sa selebrasyon sa iyang 90th birthday , gihatagan og espesyal nga tribute ang beteranang aktres nga si Gloria Romero . Usa ka engrandeng party ang gipasiugdahan ni Daisy Romualdez alang sa aktres sa niaging gabii. Gitambongan kini sa nagkadaiyang personalidad sa showbiz. Gihatagan nila og gibug-aton ang kontribusyon ni Gloria sa industriya.
Pasok sa konsyerto
Ang Filipino folk-pop band nga Ben&Ben kay usa sa mga special guest sa konsyerto ni Ed Sheeran didto sa kaulohan karong Marso 9. Kahinumdoman nga nakamugna na ang Ben&Ben og cover sa awit ni Ed nga "Perfect. "Parang dati lang, nagcocover lang kami ng 'Perfect' sa YouTube. Never in our wildest dreams did we think this could happen. Surreal," social media post sa maong banda.
Bianca mibisita sa mga bata sa bukid
Nakadawat og mga pagdayeg si Bianca Umali gikan sa netizens human kini nibisita sa mga bata nga nagpuyo sa bukid didto sa Batangas.
Gutudloan niya kini sa pagpanalipod sa kalikopan. Nibaktas gyud ang aktres og pipila ka oras aron maabot ang maong bukirang dapit. Bisan sa iyang ka-busy , gipaneguro ni Bianca nga makasalmot og mga programa alang sa komunidad nga gipasiugdahan sa Wold Vision Philippines
Muninn mipadungog na sa iyang “sandali lang”
Gipadungog na sa folk-soul-pop artist nga si Muninn ang iyang debut single nga “Sandali Lang” nga ubos sa Tarsier Records.
Ang maong awit kay nanawagan alang sa kalinaw human nakasinati og kagubot.
“Sa naghihintay, sa bagay man o sa mga taong dumarating at umaalis, ang buhay ay tungkol sa pagtanggap sa mga patuloy na pagbabago. Sila, tayo, ikaw at ako, ay mga tao lang sa huli,” Instagram post ni Muninn .
Na-impluwensya siya sa mga musika nila ni Nai Palm, Ruru, Ichiko Aoba, Patrick Watson, Paul Mccartney, Hiatus Kaiyote, Jiwoo, Matt Maltese, Astrud Gilberto, Sunset Rollercoaster, Khruangbin, Rhye, ug uban pa.
Ang “Sandali Lang,” kay madungog sa nagkadaiyang music streaming platforms.
- Latest