Happy again

CEBU, Philippines — Kumpirmado nga nagbalik sila si McCoy de Leon ug Elisse Joson. Si McCoy mismo ang nikumpirma niini ngadto kang TV5 entertainment reporter MJ Marfori nga ni-interview niya human sa iyang pagguest sa ASAP Natin 'To adtong Domingo. Gikumpirma pud niya nga "online miscommunication" ang nahitabo nila sama sa gisulti sab ni Elisse. Matud ni McCoy mao gyud matud pay tinguha sa usa ka ginikanan mga magmalipayon ang pamilya. Aduna silay anak, si Felize.

Kay hapit na

Nakigtagbo ang mga kadagkuan sa ABS-CBN sa mga kadagkuan sab sa TV 5 pinangulohan ni MVP kun Manny V. Pangilinan. Nitambong niini si Coco Martin kinsa mainiton nga gidawat sa mga taga TV5. May labot kini sa umaabot na nga pagsalida sa Batang Quipo ni Coco ug Lovi Poe sa ABS-CBN nga molugwa sab sa TV5 primetime.

Si Willie na...

Nagduda ang mga netizen nga si Willie Revillame ang gipadungogdungog sa showbiz personality ug vlogger nga si Ogie Diaz. Kini kay lenggua ni Ogie, "Wag umiyak. Kung nung araw na kailangan ang luha ng pagdamay mo ay hindi rin naman naramdaman. Bagkus nakitawa ka pa. Kaya wag mamalimos ng simpatya. Kaya mo yan. Wala kang di kinaya." Kahinumduman nga nipadayag sa iyang pagkadismaya si Willie human nga daw naghudyaka ang netizens gumikan sa balita nga adunay shows sa AllTV ang mawagtang na gumikan kay alkanse ug wala gyud nisulbong ang estasyon human sa launching niini sa nilabay nga tuig.

Balik Kapuso....

Gipaabot nga hingpit na gyud nga molugwa sa GMA7 si Matteo Guidecelli sa dili madugay. Kini human nasigpatan siya nga nakig lunch meeting kauban ang mga kadagkuan sa TV station ingon man ang mga opisyal sa Viva Artist Management nga maoy nagdumala niya. Sa nilabay nga tuig pa ang tsika nga mobalik na sa GMA7 si Matteo. Sa maong estasyon nagsugod iyang career isip cast sa Sunday variety show  nga SOP kaniadto.

Wife material

Dili lang girlfriend material kundili wife material gyud si Devon Seron. Kini suma pa sa iyang leading man nga si David Chua. Ang duruha adunay gihimong teleserye sa Net 25 ug gikilig ang netizens sa ilang sweet photos ug videos sa Boracay niining bag-o lang. Apan ni David pa, wala nila tuyoa ang tanan,natural lang gyud ang ilang chemistry sanglit naka relate sila sa usa'g usa sa ilang mga kasinatian. Matud ni David, ang nakanindot kang Devon mao nga mapaubsanon kini, mahimong mada bisan asa kay dili arte, maayo pa nga muatiman, ug dali ra mahuman og make-up sanglit sayod na ang dalaga nga gwapa gyud siya. Niya pa, niabot si Devon sa iyang kinabuhi sa hustong panahon.

Okay, Pia!

Gibandira ni 2015 Miss Universe Pia Wurtzbach kining mga hulagway niya sa Instagram kagahapon. Suma pa sa kanhi beauty-queen, ang top nga iyang gisul-ob, iyaha sa iyang pamanhunon nga si Jeremy Jauncey. Suma sa netizens hot si Pia.  Ok, dai Pia, ikaw na gyud ang nagkalami ang lovelife. Sana ol!

Kadaghan diay...

Nangutana karon ang mga marites kun kadaghan ba diay nakasala kang Moira ang iyang bana nga si Jason Hernandez, base sab sa kanta sa singer sa iyang concert sa Araneta Coliseum niadtong February 3.

Dako ang pagtuo sa netizens nga padungog-dungog ni Moira ang lyrics sa iyang kanta ngadto sa iyang bana. Nagbuwag na sila sa nilabay nga tuig.

Ang kanta kabahin sa usa ka tawo nga dili kay kausa ra nakasala, kundili, kadaghan gyud. Gumikan niini, nausik lamang ang lima ka tuig nga paghigugma..

Dugang pa sa lyrics, matawag nga sayop ang usa ka binuhatan kun kausa lamang kini gihimo.

Base sa tipik sa lyrics nga gi-upload sa Tiktoker nga si mrthomas_03, nagkanayon kini:

“You said you made a mistake/But isn’t a mistake only a mistake if it’s ONE TIME/But if it’s again and again, sorry honey but I just gotta run for my life."

Padayon pa sa kanta, “Wasted 5 years of my life/ Were they wort all of your lies, oh why/ You said you made a mistake/But there’s no one else to blame/Cause you didn’t do it just ONE TIME/OR TWO TIMES OR THREE TIMES OR FIVE TIMES/I forget BYE BYE”.

Kahinumduman nga human sa ilang panagbuwag, giangkon ni Jason nga siya maoy nakasala.

Beyonce Supremacy!

Ang Pop Superstar nga si Beyonce na ang naghupot sa record nga labing daghan og nadawat nga Grammy awards.

Kini human siya nihakot og upat ka awards gikan sa Grammys niadtong Domingo, lakip na niini best dance/electronic album para sa Renaissance.

Gumikan sa kadaugan ni Beyonce, aduna na siyay 32 ka Grammy trophies, ug napapha ang record sa classical conductor nga si Georg Solti nga 31.

Apan dismayado ang pipila niya ka fans kay napakyas siya pag-angkon sa Album of the Year award. Ang British singer nga si Harry Styles ang nakadawat niini.