Lahi nga Julia

CEBU, Philippines — Naghinamhinam na si Julia Barretto nga mapasalida ang iyang umaabot nga pelikula, ang "Expensive Candy" kauban si Carlo Aquino. Kini kay lahi matud pa kini sa tanan niyang mga proyekto sanglit midala siya isip sex worker nga gikainlaban sa maestro nga si Carlo. Ubos kini sa Viva Films ug isalida pinaagi sa streaming app VivaMax.

Mga pinamay

Daw gisapot na si Jessy Mendiola sa mga nagsige'g pangutana kanus-a siya magsabak ug sa mga nagpunay og sugyot unsaon aron momabdos siya. Sa iyang IG stories, gipadayag ni Jessy nga wala siya kasabot nganong daghang mga ingon niini nga mga tawo nga unta wa man siya mangayo sa ilang tambag. Suma pa niya, angayan nga respetohon sa uban ang ilang isigkaingon ug kini pinaagi sa pagbaton og limitasyon. Gawas pa, sensitibo matud pa ang mga ingon niini nga hisgutanan. Matud ni Jessy, nagsunod siya sa unsay gitudlo sa iyang OB gyne.

Sean, gibuwagan

Nagbuwag matud pa si Sean de Guzman ug ang iyang non-showbiz girlfriend ug ang rason mao nga gikapoy na kini og sabot sa matang sa trabaho sa aktor. Dili matud pa madawat niini ang iyang mga sexy scenes sa pelikulang Taya, Nerissa ug Hugas, kauban si AJ Raval. Hinungdan nga komedya ni Sean, nagbuwag sila gumikan kang AJ.

Tungod ni Covid

Wala nahinayon ang unang paglugwa unta ni Julius Babao isip bag-ong co-anchor sa Frontline Pilipinas sa TV5 adtong Lunes. Kini gumikan usab sa nagkataas nga kaso sa Covid didto sa Metro Manila. Ang tsika, sa February 7, na lang mosugod si Julius sa iyang bag-ong trabaho isip news anchor.

Nauyonan gyud

Nagkataas ang rating sa sitcom ni John Lloyd Cruz sa GMA7 nga giulohan og "Happy ToGetHer ug makita matag Domingo sa gabii. Suma pa sa AGB Nutam nitala kini og 14.2%, nga rating adtong Domingo,  mas taas itandi sa rating niini niadtong January 9 nga 13.9%. Si Faith Da Silva ang celebrity guest sa tulo ka mga episodes.

Mga tsismosa ray nakapagubot

Gitubag ni Ian de Leon ang usa ka Noranian nga nisugyot nga aduna siyay mahimo aron mahusay ang relasyon ni Lotlot de Leon ngadto kang Superstar Nora Aunor.

Nitumaw ang isyu human gisorpresa nilang managsuon si Nora niining bag-o lang, apan wala si Lotlot.

Sugyot sa Noranian: “you can do something na ayusin lahat. . May edad na si AG [Ate Guy] sana THIS TIME MAGING SOLID KAYO!!! PRAYING FOR YOUR FAMILY.”

Tubag ni Ian, hapsay ilang pamilya, pero normal ra gyud nga adunay mga suliran usahay.

“fyi ma ayos naman po kaming lahat, at walang pamilya sa mundo ang walang pinagdadaanang mga gusot sa buhay.

“MAHAL NAMIN ANG ISA’t ISA, yes LAHAT kami.

“At hindinding hindi mag babago yan kahit baliktarin mo ang mundo.

“Pinag tagpo kami ng panginoon dahil may magandang dahilan sya, hindi lng sa amin, tayong lahat.”

Nihangyo si Ian nga magmasinabtanon na lang inay mang tsismis ug moapil apil bisan walay labot.

“Pairalin na lng natin ang pangungunawa at pg mamahal.

“Sa totoo lng po, mga chismis, at ibang tao lng talaga ang sumisira sa amin, hindi ang samahan namin sa isa’t isa.

“In God’s perfect time, everything will fall in place. Salamat sa prayers nyo!”